مساء الخير جميعا ً

أخواني وأخواتي... أنا حبيت أكتب هالموضوع لأنه ممكن يكون حل آخر لجميع اللأشخاص اللي
ماانقبلوا في برنامج خادم الحرمين الشريفين للابتعاث الخارجي

وراح أشرح فيه الاجراءات اللي لازم يسوييها الدارس على حسابه الخاص لكي يتم ضمه للبعثه .................................................. ..................................................

أولا : تجيب قبول معهد لغة انجليزيه وقبول جامعه وكلهم لازم يكونون معترف فيها لدى وزارة
التعليم العالي

ثانيا ً : تروح للسفارة وتطلع الفيزا على القبولين اللي معك بشرط يكون معك حجز طيران مبدئي وأربع صور مكشوف الرأس وكشف حساب حق 6 شهور سابقه

ثالثا ً: بعد ماتطلع الفيزا تروح وتعبي النموذج حق الدارسين على حسابهم الخاص في الوزارة
وتعطي الوزارة صورة من القبولين والفيزا وبطاقة الاحوال ودفتر العائله للبنات وتاخذ قرار الابتعاث حقك بعد كم يوم وتتوكل على الله وتسافر

رابعا ً: أول ماتوصل بالسلامه تروح للسفارة وتسجل بياناتك وبيانات المدينه اللي بتروح لها والمعهد اللي بتدرس فيه عندهم وتفتح ملف طالب دارس على حسابه الخاص وتعطيهم
صور لقبول المعهد والجامعه (مهم)

خامسا ً: تتوكل على الله وتتوجه للمدينة اللي بتدرس فيها

سادسا ً: بعد دراستك بأسبوع أو أسبوعين ارجع الملحقيه وقلهم اني ابغى انضم للبعثه
راح يعطونك نموذج انضمام تعبيه وتصوره وتخلي معك نسخه وتعطيهم الاصل وتاخذ رقم الطلب
وتخليه معك (مهم ) وتنتظر الين يجيك الانضمام ولازم تشييك معهم كل اسبوع عشان تعرف

سابعا ً: أول ماتدري انه جاك الانضمام على طووووووول تروح الملحقيه وتطلب استرجاع
جميع المبالغ اللي دفعتها من جيبك ( لازم يكون معك فواتير كل المصاريف اللي صرفتها)



ملاحظه: اذا قدرت تخلي احد بالرياض يراجع لك احسن بكثيييييييييييير وراح تتسهل امورك وتمشي بسرعه ويجيك الانضمام بدري


أتمنى أكون افدتكم بهالموضوع ....

وعلى فكرة أنا ماكتبت هالموضوع الا عشان اشجعكم انكم تكملون طموحكم وحلمكم
وودي اقول بعد ان قدامكم فرصه الى الان بس يبيلها شوي تضحيه ولا تيأسوا...


الله يوفقكم جميعا ً


تحيـــــــــــــــــــــــــــــاتي